Mudcat Café message #3774626 The Mudcat Café TM
Thread #76431   Message #3774626
Posted By: Jack Campin
23-Feb-16 - 07:23 PM
Thread Name: songs about building boats/ships?
Subject: Lyr Add: THE TARRING OF THE YOLL (George Riddell)
Found it. "101 Scottish Songs" selected by Norman Buchan, 1972 reprint.

THE TARRING OF THE YOLL (George Riddell)

X:1
T:The Tarrin' o' the Yoll
S:Norman Buchan: 101 Scottish Songs, 1972
C:George Riddell
M:4/4
L:1/16
Q:1/4=120
K:DMin
A2|{A}"Dm"d3d d3c "Am"A4 A3A|"Gm"G3G     G3G "Am"A4 A3
w:Ae nicht in Buch-an hav-en, a toon less kent than Lev-en,
 A|{A}"Dm"dd3 d3c "Am"A4 A4 |"Dm"F3G "Am"E3F "Dm"D8   |
w:Young bill-ies sax or sev-en cam' to tar oor yoll.
          D3E F3G     A4 A3A|"Gm"G3G     G3G "Am"A4 A3
w:Jim-mi-kie an' An-dy an' John-ni-kie an' San-dy,
 A|   "Dm"d3d d3c "Am"A4 A3A|"Dm"F3G "Am"E3F "Dm"D4  |]
w:wi' Will-ock-ie the dan-dy, cam' a' to tar oor yoll.


Wi' muckle din an' laughin', wi' skirlin' and chaffin',
The lassies neist cam' daffin', to help to tar the yoll.
Maggie's Jessie's Jeanie, an' fernticklet Teenie,
Wi' little gabblin' Beenie, cam' a' to tar the yoll.

This blyth an' merry meeting set a' their hearts a-beatin'
So while the tar was heatin' they close the-gither stole.
Jimmikie kissed Jeanie, an' Johnnikie squeezed Teenie,,
While Andy kittled Beenie, jist in-ahint the yoll.

The midst o' a' this teasin' an' cuddlin' an' squeezin'
The tar pot went a-bleezin' and nearly brunt the yoll.
Sandy fell ower Jeanie, an' Andy trippit Teenie,
While Jimmikie an' Beenie baith tum'let in a hole.

Noo Jimmikie an' Andy, an' Johnnikie an' Sandy
An' Beenie the wee randy that tum'let in a hole,
Declare it was the teasin' an' cuddlin' an' squeezin'
That set the pot a-bleezin', at the tarrin' o the yoll.