Mudcat Café message #3538567 The Mudcat Café TM
Thread #151516   Message #3538567
Posted By: Jim Dixon
17-Jul-13 - 02:54 PM
Thread Name: Lyr Req: Betsy Bell (from Belle Stewart)
Subject: Lyr Add: BETSY BELL (from Belle Stewart)
Here's my transcription of the song from Spotify. Please be patient with my attempt to render "braid Scots." I am not a native speaker!


BETSY BELL
As sung by Belle Stewart on "Voice of the People 10: Who's That at My Bed Window?"

O my name is Betsy Bell; in the Overgate I dwell.
Nae doot ye'll wonder what I'm daein here,
But ever ye wait a wee, sure my tale I'll tell to thee.
It's a tale nae doot ye'll think is very queer.

For I'm loukin for a lad and he may he guid or bad.
I'm gaun to tak the first yin that I see.
He may be young or auld, or grey-heided, freends, or bauld.
It's onything that wears the breeks for me.

O, but o lads I've had my share; sure I've haen a score or mair,
But hoo they threw me up, I dinnae ken,
For I'm neither prood nor shy, that the lads should pass me by.
O, I wonder what's adae wi aa the men.


Noo. as I gaed oot last nicht, sure I met wi Sandy Richt,
And he hauled me in as I wis passin by.
He asked me if I'd wed, so this is what I said:
"Man, if you are quite agreeable, so am I."

O, I was sae prood o the chance, sure wi joy it made me dance,
An the marriage it was to be right there an then,
But when I got my marriage frock, ach, he said it was aa a joke,
So I wonder what's adae wi aa the men.

O, but o lads I've had my share; sure I've haen a score or mair,
But hoo they threw me up, I dinnae ken,
For I'm neither prood nor shy, that the lads should pass me by.
O, I wonder what's adae wi aa the men.


Noo as I gaed oot yestreen, I could scarce believe my een,
For I met auld Janet Cooke wi a lad,
And if it's true whit aa folks say, she'll be wed a month the day.
Man, the thocht's enough to drive a body mad.

For I ken auld Janet Cooke, an she drinks just like a duke.
Her age it runs a good threescore an ten,
And as for husbands she's had three, an there's no a chance for me.
O, I wonder what's adae wi aa the men.

O, but o lads I've had my share; sure I've haen a score or mair,
But hoo they threw me up, I dinnae ken,
For I'm neither prood nor shy, that the lads should pass me by.
O, I wonder what's adae wi aa the men.


But if there's ony laddie here that wad like a little dear,
A widower or a bachelor though he be,
If on marriage he is bent, then I'll gie my consent.
It's no every day he'll get a chance like me.

For I can weave an I can wark; I can wash an mend a sark.
I'm as thrifty as ony lass I ken,
But on the nail I'll hang, and till I get leave tae sang,
I wonder what's adae wi aa the men.