Mudcat Café message #3457636 The Mudcat Café TM
Thread #148768   Message #3457636
Posted By: Tattie Bogle
27-Dec-12 - 11:02 AM
Thread Name: songs for new years day singing?
Subject: Lyr Add: A GUID NEW YEAR TO ANE AN' A'
Lyrics of above song: you could always try singing alang tae yer man oan the piano on Youtube (tho' I've transposed it doon frae C tae A to suit ma voice better!)Bearing it mind what's said oan the ither thread, dinnae try it if ye cannae sing in Scots!

A GUID NEW YEAR TO ANE AN' A'

A guid new year to ane an' a'
An' mony may ye see,
An' during a' the years to come,
O happy may ye be.
An' may ye ne'er hae cause to mourn,
To sigh or shed a tear;
To ane an'a baith great an' sma'
A hearty guid New Year.
Chorus
A guid new year to ane an' a'
An' mony may ye see,
An' during a' the years to come,
O happy may ye be.

2. O time flies past, he winna wait,
My friend for you or me,
He works his wonders day by day,
And onward still doth flee.
O wha can tell when ilka ane,
I see sae happy here,
Will meet again and merry be
Anither guid New Year.
Chorus

3. We twa ha'e baith been happy lang.
We ran aboot the braes.
In yon wee cot beneath the tree,
We spent our early days.
We ran about the burnie's side,
The spot will aye be dear,
An' those that used to meet us there,
We'll think on mony a year.
Chorus

4. Noo let us hope our years may be
As guid as they ha'e been,
And trust we ne'er again may see,
The sorrows we ha'e seen.
And let us wish that ane an'a'
Our friends baith far an' near,
May aye enjoy in times to come -
A hearty guid New Year!
Chorus