Mudcat Café Message Lyrics & Knowledge Personal Pages Record Shop Auction Links Radio & Media Kids Membership Help
The Mudcat Cafeawe



User Name Thread Name Subject Posted
Vixen Lyr Req: The Birkin Tree (from Old Blind Dogs) (11) Lyr Add: BIRKIN TREE (from Old Blind Dogs) 28 Jul 05


Ah got 'em!

LYRICS:


Oh Lass gin ye would think it richt
Tae gang wi' me this very nicht
And cuddle til the morning licht
By a' the lave unseen oh

And you shall be my dearie
My ane my dearest dearie
And you shall be my dearie
Gin ye'll meet me at e'en oh

I daurnae frae my mammy gae
She locks the door and hides the key
And morn and evening charges me
And aye about the men oh

She says they're a' deceivers
Deceivers, deceivers
She says they're a' deceivers
Ye cannae trust tae ane oh

Oh never mind your mammy's yell
Nae doubt she met your dad hersel'
And should she flyte you may her tell
She's oft times done the same oh

So lassie gies yer hand on't
Your bonnie milk white hand on't
So lassie gies yer hand on't
And scorn tae lie your lane oh

Alas my hand I cannae gie
But aiblins I can steal the key
And meet you at yon birkin tree
That grows doon the glen oh

But dinnae lippen laddie
I cannae promise laddie
So dinnae lippen laddie
In case I cannae win oh

So he's gone tae that birkin tree
In hopes his true love there tae see
When who cam' tripplin ower the lea
But just his bonnie Jean oh

And she's sat doon beside him
Beside him beside him
And she's sat doon beside him
Upon the grass sae green oh


Post to this Thread -

Back to the Main Forum Page

By clicking on the User Name, you will requery the forum for that user. You will see everything that he or she has posted with that Mudcat name.

By clicking on the Thread Name, you will be sent to the Forum on that thread as if you selected it from the main Mudcat Forum page.

By clicking on the Subject, you will also go to the thread as if you selected it from the original Forum page, but also go directly to that particular message.

By clicking on the Date (Posted), you will dig out every message posted that day.

Try it all, you will see.